Usuario:ROGER CONDORI VILCA
PUMA
Phuyoq wawan oqe michi phiña uywa rumi maki orqollantas purishanki, rit'illantas k'umu k'umu. Phiña phiña qhawarispa phuyutaraq picharinki chupaykita maywirispa orqokunataraq mayt'urinki Ch'awar kiska sunkhaykiwan intitaraq llaqllachinki qalluykitaq sansaq puka yawartaña llaqwaeishan. Apukunaq sumaq uywan, Inkakunaq yupaychanan yarqasqachu purishanki?, aychatrachu maskhashanki? Hamuy noqa qarasqayki kay sonqoyta qhasurispa qhasqoypatapi thallaykuy llakiykunata ñit'iykuy Qaqa hasp'iq silluykiwan hank'uykunata watariy hinaspataq puñuchiway ama llaki muchunaypaq. K'illku warak'a.